رووداو دیجیتاڵ
وەزارەتی بەرگریی ئێران رایگەیاند، جۆرێکی نوێی مووشەکی بالیستیی بەناوی "ئیعتماد" بەکارهێناوە، کە جۆرێکی زۆر پێشکەوتووی مووشەکی "عیماد"ە. بەرپرسانی سەربازیی ئێران پێشتر رایانگەیاندبوو، لە رۆژانی داهاتوودا چەکی نوێ و تەکنەلۆژیای پەرەپێدراو بۆ رووبەڕووبوونەوەی هێرشەکان بەکاردەهێنن.
بەپێی میدیای فەرمیی ئێران، ئەم مووشەکە دیزاینەکەی لە یەک قووچەکییەوە گۆڕدراوە بۆ سێ قووچەکی و باڵە رێنماییکارەکانی پەرەیان پێدراوە، ئەمەش وادەکات مووشەکەکە لە رادارەکان خۆی بدزێتەوە و رێگریلێکردنی لەلایەن سیستمە بەرگرییەکانەوە زۆر قورستر بێت.
وەزارەتی بەرگریی ئێران دەڵێت، هاوکات لەگەڵ بەکارهێنانی مووشەکی ئیعتماد، بەردەوامین لە بەکارهێنانی مووشەکەکانی وەک "خەیبەرشکن" و "فەتاح،" کە مەودای رۆیشتنیان لەنێوان 1400 بۆ 1800 کیلۆمەتردایە و توانای پێکانی ئامانجەکانیان لە قووڵایی خاکی ئیسرائیل دا هەیە.
