رووداو دیجیتاڵ
66 فرۆشیاری مادەی هۆشبەر لە پارێزگای سنە دەستگیرکران. راگەیاندنی پۆلیسی پارێزگاکە دەڵێت، دەست بەسەر نزیکەی 500 کیلۆگرام مادەی هۆشبەریشدا گیراوە.
ئەمڕۆ چوارشەممە 26ی ئابی 2026 یەحیا ئیلاهی، بەڕێوەبەری پۆلیسی پارێزگای سنەی رۆژهەڵاتی کوردستان رایگەیاند، لە چوارچێوەی هەوڵەکانی بەرەنگاربوونەوە و نەهێشتنی مادە هۆشبەرەکان، لە چوار رۆژدا لە سنووری پارێزگاکە دەستیان بەسەر 485 کیلۆگرام مادەی هۆشبەردا گرتووە.
یەحیا ئیلاهی گوتی، دەستیان بەسەر چەند ئۆتۆمبێل و ماتۆڕسکیلێکیشدا گرتووە کە بۆ گواستنەوەی مادەی هۆشبەر بەکارهێندراون.
بە گوتەی بەڕێوەبەری پۆلیسی سنە، جگە لە دەستگیرکردنی 66 فرۆشیاری مادە هۆشبەرەکان، 31 ئالوودەبووش لە سنووری پارێزگاکە کۆکراونەتەوە و گوێزراونەتەوە بۆ بنکەکانی شیاندنەوە.
