رووداو دیجیتاڵ
مەسرور بارزانی لە کۆبوونەوەیەکدا لە پارێزگای هەولێر ئاماژەی بەوەدا، "دەبێت خۆمان بۆ باوبارانی لەناکاو ئامادە بکەین".
رۆژی سێشەممە، مەسررو بارزانی لە باڵەخانەی پارێزگای هەولێر لەگەڵ بەرپرسانی ئیدارەی هەولێر تاوتوێی هۆکاری لافاوەکە و ئامادەکارییەکانی بۆ دووبارەنەبوونەوەی کرد.
سەرۆکوەزیرانی هەرێمی کوردستان لە سەرەتای کۆبوونەوەکەدا سەرەخۆشی لە قوربانییانی لافاوەکە کرد.
مەسرور بارزانی لەبارەی دروستبوونی لافاوەکە رایگەیاند، "لێکۆڵینەوە دەکرێ، کەمتەرخەمی هەبێ بێگومان لێپرسینەوە و رێکاری پێویست دەگیرێتەبەر".
لە کۆبوونەوەکەدا سەرۆکوەزیرانی هەرێمی کوردستان سوپاسی ئیدارەی پارێزگاری هەولێری کرد بۆ بەهاناوەچوونی زیانلێکەوتووان و گوتی، "بینیم پێشمەرگە بە جلی سەربازییەوە یارمەتی خەڵکی دا".
رۆژی شەممە، 7-11-2026 بارانی بەخوڕ شاری هەولێری گرتەوە و لافاوێکی گەورە زۆربەی شارەکەی گرتەوە. بەهۆی لافاوەکە منداڵێکی 5 ساڵان و گەنجێکی 25 ساڵی گیانیانیان لەدەستدا.
بەگوێرەی خەمڵاندنی دێسکی ئابووری تۆڕی میدیایی رووداو: زیانە مادییەکانی لافاوەکە بە 8 ملیۆن دۆلار دەخەمڵێندرێن.
