بەشداریكردووە لە رووماڵكردنی شەڕی داعش و ئۆپەراسیۆنەكانی پێشمەرگە و هێزە چەكدارەكانی عێراق بەرامبەر داعش لە پارێزگای كەركووك، موسڵ و سەلاحەدین. لە 21ی تەممووزی 2014 لە سنووری داقوق و 11ی حوزەیرانی 2015 لە گوندی مەنسوورییە لە سنووری حەویجە بە سووكی برینداربووە.
لەساڵی 2014 ڤیتی لەسەر نەبوونی شەقامی دەرەكی لە كەركووك كرد، ئەو ڤیتییە كاریگەری هەبوو لەسەر دانانی دروستكردنی شەقامێكی دەرەكی لە پلانی پارێزگای كەركووك دا.
ڤیتی لەسەر دروستكردنی خواردنەوە كحولییەكان لەنێو ماڵان و نەبوونی مەرجەكانی تەندروستی لە 29ی ئەیلوولی 2017 كرد، دوای بڵاوبوونەوەی ڤیتییەكە دەستبەجێ لیژنەكانی قایمقامیەتی شاری كەركووك، لە هەڵمەتێكدا دروستكردنی خواردنەوە كحولییەكانیان لەنێو ماڵان قەدەخەكرد.
هیوا حوسامەدین، لە 5ی كانوونی دووەمی 1987 لە كەركووك لەدایكبووە.
لەساڵی 2005 دەستی بە كاری راگەیاندن كردووە، پەیامنێڕی تەلەفزیۆنەكانی عێراقییە، كوردستان و كەركووك بووە.
جگە لە زمانی كوردی، عەرەبی و توركمانی دەزانێت.
خێزاندارە و باوكی دوو كچە .
